اتراکھنڈ: بینک ملازمین کی ہڑتال، بینک صارفین پریشان

آل انڈیا بینک ٹریڈ یونین کے سکریٹری ایس کے مہروترا نے کہا کہ مودی سرکار کے خلاف اب لڑائی لڑی جائے گی اور اس تحریک کو مستقل طور پر آگے بڑھایا جائے گا۔

ریاست اتراکھنڈ کے ضلع ادھم سنگھ نگر میں اے آئی بی اے تنظیم کی ہڑتال کال پر بینک ملازمین نے بینکوں میں تالا لگا کراحتجاج کیا۔

اس احتجاج میں شامل مظاہرین نے مرکزی حکومت پر بینک ملازمین کو ہراساں کرنے کا الزام عائد کیا اور مرکزی حکومت کے خلاف نعرے بازی کی۔

اس موقع پر آل انڈیا بینک ٹریڈ یونین کے سکریٹری ایس کے مہروترا نے کہا کہ مودی سرکار کے خلاف اب لڑائی لڑی جائے گی اور اس تحریک کو مستقل طور پر آگے بڑھایا جائے گا۔

احتجاج کے باعث ریاست کے تمام بینک صارفین کو کافی پریشانیوں کا سامنا کرنا پڑا جبکہ اربوں روپئے کا کاروبار بھی متاثر رہا۔