رات نو بجے بجلی کا 'مین سوِچ' بند نہ کرنے کی اپیل

اتراکھنڈ پاور کارپوریشن نے کورونا وائرس کو شکست دینے کے لیے وزیر اعظم نریندر مودی کی اتوار کی رات نو بجے سے نو منٹ کے لیے بجلی بند رکھنے کی اپیل کے پیش نظر لوگوں سے اس دوران بجلی کا مین سوئچ بند نہ کرنے کی اپیل کی ہے۔

ریاست اتراکھنڈ کے ٹہری ضلع محکمہ اطلاعات نے اس سلسلے میں اتوار کو ایک اطلاع جاری کی جس میں کارپوریشن کے مینیجنگ ڈائریکٹر مشرا کے حوالے سے کہا گیا ہے کہ بجلی کا گرڈ مضبوط ہے اور اس صورت حال کو سنبھالنے میں گرڈ مکمل طور اہل ہے، پھر بھی صارفین سے درخواست ہے کہ اس دوران بجلی کے تما م آلات چالو رکھیں اور مین سوئچ بند نہیں کریں۔

مشرا نے کہا کہ اس مدت میں سڑیٹ لائیٹ اور ہسپتال وغیرہ میں ضروری خدمات سے منسلک اداروں میں روشنی حسب معمول رہے گی۔ واضح رہے کہ مودی کی آج رات نو بجے نو منٹ تک بجلی بند رکھنے کی اپیل پر کئی حزب اختلاف پارٹیوں کے رہنماوں نے سخت اعتراض کا اظہار کیا ہے اور کہا کہ اس سے پاور گرڈ فیل ہو سکتا ہے جس کا ملک کو بڑا نقصان اٹھانا پڑے گا۔ پاور گرڈ نے تاہم واضح کر دیا ہے کہ اس سے گرڈ کو کوئی خطرہ نہیں ہے ۔