اتراکھنڈ: آپ رہنما نے بی جے پی اور کانگریس پر تنقید کی

اتراکھنڈ کے کاشی پور میں عام آدمی پارٹی کی جانب سے یوا سمواد نامی پروگرام کا انعقاد کیا گیا۔

ریاست اتراکھنڈ عام آدمی پارٹی کے سینئر رہنما اجے کوٹھیال کاشی پور کے ہوٹل اننیہ میں یوا سمواد نامی پروگرام کے دوران لوگوں کو یقین دلایا کہ 'اگر اتراکھنڈ میں عام آدمی پارٹی کی حکومت بنتی ہے تو پارٹی ریاست کے لیے بہتر کام کرے گی۔

اس دوران آپ رہنما کوٹھیال نے بی جے پی اور کانگریس پر حملہ کرتے ہوئے کہا کہ 'اتراکھنڈ کو وجود میں لانے کے لیے اور جن خوابوں کے لئے تحریک چلائی گئی تھی وہ بالکل بھی پورے نہیں ہوئے۔'

اتراکھنڈ تحریک کے شہدا کے خوابوں کا بی جے پی اور کانگریس دونوں نے ہی اپنے مفاد کے لیے استعمال کیا۔ اب وقت آگیا ہے کہ عوام اتراکھنڈ کے لئے عام آدمی پارٹی کے ساتھ کھڑے ہوں اور ریاست کی نئی تعمیر کا حصہ بنیں۔'