امروہہ: کاٹن ویسٹ سے بھری ٹریکٹر ٹرالی میں آتشزدگی

امروہہ شہر کوتوالی علاقے کے کلیان پور روڈ پر روئی سے لدی ٹریکٹر ٹرالی پر بجلی کے تار میں شارٹ سرکٹ کی وجہ سے آگ لگ گئی۔ جس سے افراتفری کا ماحول پیدا ہوگیا۔

ریاست اتر پردیش کے ضلع امروہہ شہر کوتوالی علاقے کے کلیان پور روڈ پر کاٹن ویسٹ سے بھری ٹریکٹر ٹرالی کے اوپر سے گزر رہی بجلی کی تار میں اچانک شارٹ سرکٹ ہونے کی وجہ سے ٹرالی میں بھری کاٹن میں آگ لگ گئی۔

کاٹن ویسٹ کے مالک سندیپ اگروال نے بتایا کہ یہ آگ ٹریکٹر ٹرالی کے اوپر سے جا رہی بجلی کی لائن میں اچانک چنگاری نکلی جس وجہ سے آگ لگی اور روئی کے ساتھ ہی ٹریکٹر ٹرالی بھی پوری طرح جل گئی۔ جس کے بعد مقامی لوگوں نے بمشکل آگ پر قابو پایا۔

وہیں اس حادثے میں کسی جانی نقصان کی اطلاع نہیں ہے۔