Vyas Valley on Chinese Border چینی سرحد سے متصل وادی بیاس میں پھنسے 56 افراد کو پتھورا گڑھ لایا گیا

چین کی سرحد کے پاس واقع مالپا کے نزدیک سڑک کو چوڑا کرنے کی وجہ سے مسلسل برفانی تودوں اور پتھروں کی وجہ سے ٹریفک میں خلل پڑا ہے۔ یہی وجہ ہے کہ ایک بڑی تعداد وہاں پھنسی ہوئی تھی۔ تاہم حکومت کی پہل پر آج دو چنوک ہیلی کاپٹر پتھورا گڑھ روانہ کیے گئے۔ بھوپیش مہر نے بتایا کہ ایک دن کی کوشش کے بعد گنجی سے کل ملاکر 56 لوگوں کو بحفاظت لایا گیا۔ stranded Chinese border were brought to Pithoragar

نینی تال:چین کی سرحد سے متصل بلند ہمالیائی علاقے میں پچھلے کچھ دنوں سے پھنسے ہوئے 56 لوگوں کو بچا کر بدھ کو بحفاظت پتھورا گڑھ لایا گیا۔ ان میں کچھ سیاح بھی شامل ہیں۔ ضلع ڈیزاسٹر مینجمنٹ آفیسر بھوپیش مہر نے بتایا کہ شدید بارش کی وجہ سے سڑک بند ہوجانے سے بلند ہمالیائی خطہ میں واقع بیاس وادی کے سات گاوؤں کے لوگ گزشتہ چند دنوں سے یہاں پھنسے ہوئے تھے۔ یہ لوگ ترائی سے اپنے گاوؤں میں پوجا کے لیے گئے ہوئے تھے۔ 56 people stranded in the Vyas valley adjacent to the Chinese border were brought to Pithoragarh

بتایا جا رہا ہے کہ مالپا کے نزدیک سڑک کو چوڑا کرنے کی وجہ سے مسلسل برفانی تودوں اور پتھروں کی وجہ سے ٹریفک میں خلل پڑا ہے۔ یہ لوگ انتظامیہ سے مسلسل مطالبہ کر رہے تھے کہ انہیں ہیلی کاپٹر سروس سے نکالا جائے۔ اس کے بعد ضلع مجسٹریٹ ڈاکٹر آشیش چوہان کی جانب سے اس معاملے پر حکومت سے بات چیت کی گئی۔

حکومت کی پہل پر آج دو چنوک ہیلی کاپٹر پتھورا گڑھ روانہ کیے گئے۔ بھوپیش مہر نے بتایا کہ ایک دن کی کوشش کے بعد گنجی سے کل ملاکر 56 لوگوں کو بحفاظت لایا گیا۔ ان میں سے 32 لوگوں کو پتھورا گڑھ لے جایا گیا جب کہ 24 لوگوں کو بحفاظت دھرچولا بیس کیمپ لے جایا گیا۔ ان میں کچھ سیاح بھی شامل تھے۔

خیال رہے کہ آدی کیلاش یاتریوں کی دو ٹیمیں بھی سڑک بند ہونے کی وجہ سے پچھلے کچھ دنوں سے بوندی کیمپ میں پھنسی ہوئی تھیں۔ ان میں 40 تیرتھ یاتری بھی شامل تھے۔ ضلع انتظامیہ کی ہدایت پر ریاستی ڈیزاسٹر مینجمنٹ ٹیم نے منگل کو ان یاتریوں کو بحفاظت دھرچولا پہنچایا۔ تمام یاتری اگلے پڑاؤ بھیم تال پہنچ گئے ہیں۔ وہاں سے سب اپنی اپنی منزل کی طرف روانہ ہوجائیں گے۔ دو دنوں میں کل ملاکر 96 افراد کو بحفاظت نکالا گیا ہے۔

یو این آئی