ز یکا وائرس کا قہر کانپور میں جاری، انتظامیہ الرٹ

کانپور شہر کے مختلف علاقوں سے زیکا وائرس کے 79 مریض سامنے آئے ہیں۔ ضلع انتظامیہ اس وبا کو روکنے کے لیے متعدد اقدامات کررہی ہے۔

اترپردیش کے کانپور میں زیکا وائرس کا قہر بدستور جاری ہے، اب تک اس وائرس کے 79 مریض شہر کے مختلف علاقوں سے سامنے آئے ہیں۔ ضلع انتظامیہ اس وائرس کو روکنے کے لیے متعدد اقدامات کررہی ہے۔

اطلاعات کے مطابق کانپور میں 23 اکتوبر کو زیکا وائرس ایک ایئر فورس کے ملازم میں پایا گیا تھا، اس کے بعد سے یہ مرض کانپور کے مختلف علاقوں میں مسلسل پھیلتا جارہا ہے اور اب تک 79 لوگوں میں یہ وائرس پھیل چکا ہے۔ یہ وائرس ایک خاص قسم کے مچھر کے کاٹنے سے پیدا ہورہا ہے۔

کانپور ضلع انتظامیہ کی جانب سے اس وائرس سے نمٹنے کے لئے 70 ٹیمیں تشکیل دی گئی ہے، جو لوگوں کو اس مچھر کے بارے میں جانکاری دے رہی ہے اور اس سے بچنے کا طریقہ بتارہی ہے۔

واضح رہے کہ کانپور میں اب تک زیکا وائرس کے 79 مریض پائے گئے ہیں جس سے انتظامیہ اور محکمۂ صحت میں تشویش پائی جارہی ہے۔