تعلیمی میدان میں زہرا فاؤنڈیشن کی کوششیں قابلِ ستائش: ضلع مجسٹریٹ

زہرا فاؤنڈیشن تعلیمی میدان میں گزشتہ کئی برسوں سے مسلسل کام کر رہی ہے۔ خاص بات یہ ہے کہ زہرا فاؤنڈیشن کی تمام ممبران خاتون ہیں۔

اتر پردیش کے ضلع جونپور میں سماجی تنظیم زہرا فاؤنڈیشن کے زیراہتمام ضلع مجسٹریٹ دنیش کمار سنگھ کی صدارت میں بچوں میں تعلیمی بیداری کے لئے پروگرام کا انعقاد کیا گیا۔

اس موقع پر ضلع مجسٹریٹ اپنی صدارتی تقریر میں کہا کہ زہرا فاؤنڈیشن کی جانب سے نہ صرف بچوں کو مفت میں تعلیم دی جارہی ہے بلکہ اس کے ساتھ دیگر سماجی خدمات بھی انجام دی جا رہی ہیں۔ انہوں نے فاؤنڈیشن کے کام کو قابل تحسین قرار دیا۔

تعلیمی میدان میں زہرا فاؤنڈیشن کی کوششیں قابلِ ستائش: ضلع مجسٹریٹ

پروگرام میں ضلع مجسٹریٹ کے ہاتھوں سے معزور بچوں میں کتابیں اور کپڑے بھی تقسیم کیے گئے۔

اس موقع پر ضلع مجسٹریٹ نے مخیر حضرات سے اپیل کی کہ وہ زہرا فاؤنڈیشن کے ساتھ تعاون کریں۔

ہم آپ کو بتا دیں کہ زہرا فاؤنڈیشن کا شمار جونپور کی سرکردہ تنظیموں میں کیا جاتا ہے۔

زہرا فاؤنڈیشن تعلیمی میدان میں گزشتہ کئی برسوں سے مسلسل کام کر رہی ہے۔ خاص بات یہ ہے کہ زہرا فاؤنڈیشن کی تمام ممبران خاتون ہیں۔

اس پروگرام کی نظامت سلمان شیخ نے کی۔ پروگرام میں زہرا فاؤنڈیشن کی صدر رضیہ سلطانہ، نائب صدر رخسار، فرحت خان وغیرہ بھی موجود رہیں۔