Objectionable Post Against Hindu Gods ہندو بھگوانوں کے خلاف نازیبا پوسٹ کرنے والے کے خلاف مقدمہ درج

اتر پردیش کے بلیا ضلع کے بیریا تھانہ علاقے میں ہندو دیوتا بھگوان رام اور کرشن کے خلاف سوشل نیٹ ورکنگ سائٹ فیس بک پر قابل اعتراض تبصرہ کرنے کے معاملے میں پولیس نے ایک شخص کے خلاف مقدمہ درج کیا ہے۔ Youth booked for objectionable post against Hindu gods

بلیا: اتر پردیش کے بلیا ضلع کے بیریا تھانہ علاقے میں ہندو دیوتا بھگوان رام اور کرشن کے خلاف سوشل نیٹ ورکنگ سائٹ فیس بک پر قابل اعتراض تبصرہ کرنے کے معاملے میں پولیس نے ایک شخص کے خلاف مقدمہ درج کیا ہے۔ پولیس کے ذرائع کے مطابق ضلع کے بیریا تھانہ علاقے کے بیجناتھ چھپرا گاؤں کے رہنے والے امن کمار ورما عرف چندر شیکھر کے خلاف اسی علاقے کے کوٹوا گاؤں کے رہنے والے سنتوش سنگھ اور دیگر کی شکایت پر پولیس نے تعزیرات ہند اور انفارمیشن ٹیکنالوجی ایکٹ کے متعلقہ سیکشن کے تحت نامزد مقدمہ جمعہ کی شام کو درج کیا گیا۔

سنتوش سنگھ اور دیگر نے پولیس سےکی گئی شکایت میں الزام لگایا ہے کہ امن کمار ورما عرف چندر شیکھر نے 6 ستمبر کو شری کرشن جنم اشٹمی کے دن سوشل نیٹ ورکنگ سائٹ فیس بک پر ہندو مذہبی دیوتا بھگوان رام اور کرشن کے بارے میں قابل اعتراض تبصرہ پوسٹ کیا ہے۔ شکایت کنندہ سنتوش سنگھ اور دیگر لال بہادر شاستری، ونود سنگھ، وشال نے الزام لگایا ہے کہ فیس بک پر پوسٹ کے ذریعے ان کے مذہبی جذبات کو ٹھیس پہنچائی گئی ہے۔ اس معاملے میں پولیس نے امن کے خلاف مقدمہ درج کر کے ملزمان کی تلاش تیز کر دی ہے۔

یو این آئی