میرٹھ میں نوجوان کا گولی مار کر قتل

دہلی، دہرادون ہائی وے پر نامعلوم بدمعاشوں نے ایک نوجوان کو گولی مارکر ہلاک کر دیا اور اس کے پاس موجود نقدی لے کر فرار ہو گئے۔ اس واردات سے علاقے میں ڈر کا ماحول ہے۔

اترپردیش کے ضلع میرٹھ کے تھانہ دورالا کے رہائشی شاہ نواز عالم کو دہلی دہرادون ہائی وے پر نامعلوم بدمعاشوں نے گولی مار کر قتل کر دیا اور اس کے پاس سے نقدی لے کر فرار ہو گئے۔

واردات کی اطلاع ملنے پر موقع پر پہنچی پولیس نے لاش کو قبضے میں لے کر پوسٹ مارٹم کے لئے بھیج دیا ہے اور واردات کی تحقیقات شروع کردی ہے۔

میرٹھ میں کام کرنے والے شاہ نواز کی موت کی خبر جب گاؤں دورالا پہنچی تو عوام میں غم کا ماحول پیدا ہوگیا حالانکہ پولیس قاتلوں کو جلد گرفتار کرنے کی بات کہہ رہی ہے۔