بارہ بنکی: 'یوگی حکومت ہر محاذ پر ناکام'

سماجوادی پارٹی کے ریاستی صدر نریش اتم پٹیل نے آج کہا کہ 'ریاست کی عوام سماجوادی پارٹی کی جانب امید کی نظروں سے دیکھ رہی ہے، اس لئے ہم تمام افراد کو مل کر 2022 میں اکھلیش یادو کی حکومت بنانی ہے۔'

اترپردیش کے ضلع بارہ بنکی میں سماجوادی پارٹی کے ریاستی صدر نریش اتم پٹیل نے آج 'بیجناتھ شیوکلا ڈگری کالج' کی سالانہ تقریب میں بطور مہمان شرکت کی۔ اس موقع پر انہوں نے خطاب کرتے ہوئے کہا کہ 'ریاست میں یوگی حکومت تمام محاذ پر ناکام ثابت ہورہی ہے، یہاں نظم و نسق نام کی کوئی چیز نہیں ہے۔

انہوں نے پارٹی کارکنان کو نصیحت دیتے ہوئے کہا کہ 'ریاست کی عوام سماجوادی پارٹی کی جانب امید کی نظروں سے دیکھ رہی ہے' اس لئے سماجوادی کارکنان کی یہ ذمہ داری بنتی ہے کہ وہ مکمل طور پر تنظیم کے لئے کام کرنا شروع کردیں۔

نریش اتم پٹیل نے کہا کہ 'اتر پردیش کے حالات اس حکومت میں بد سے بدتر ہوتے جارہے ہیں۔ اس سے لڑنے کے لئے سماجوادی پارٹی تیار ہے۔ ہم تمام افراد کو مل کر 2022 میں اکھلیش یادو کی حکومت بنانا ہے اور انتشار کا یہ ماحول ختم کر کے ریاست کو خوشحال ریاست بنانا ہے۔