یوگی نے متاثرین کے رشتہ داروں کو چار لاکھ دینے کا اعلان کیا

اترپردیش کے وزیراعلی یوگی آدتیہ ناتھ نے مختلف اضلاع میں آسمانی آفت کے واقعات میں مارے گئے 21لوگوں کی موت پر گہرا دکھ ظاہر کرتے ہوئے ان لوگوں کے کنبوں کو چار چار لاکھ روپے کی راحتی رقم فوری طورپر جاری کرنے کی حکام کو ہدایت دی۔

سرکاری ترجمان نے یہاں یہ اطلاع دی۔ انہوں نے بتایا کہ وزیراعلی نے ان آفات میں زخمی لوگوں کو مکمل علاج کرائے جانے کے انتظامات کرنے کی بھی ہدایت دی۔

انہوں نے کہاکہ راحتی کاموں میں کسی بھی طرح کی لاپرواہی کو سنجیدگی سے لیا جائے گا۔ انہوں نے کہا کہ اس مشکل وقت میں حکومت متاثرین کے ساتھ ہے اور ان کی ہر ممکن مد کے لئے تیار ہے۔

خیال رہے کہ ریاست میں گزشتہ 48گھنٹوں کے دوران 30سے زائد لوگوں کی آسمانی آفت میں موت ہوئی ہے۔ بیشتر لوگوں کی موت بجلی گرنے سے ہوئی ہے۔