Yogi Adityanath Controversial Statement: 'یوپی الیکشن اسّی اور بیس فیصد کے درمیان'

اترپردیش کے وزیراعلیٰ یوگی آدتیہ ناتھ Yogi Adityanath نے کہا کہ اتر پردیش الیکشن کی لڑائی اب 80 فیصد اور 20 فیصد کی ہوچکی ہے، جو لوگ گُڈ گورننس اور ترقی کی حمایت کرتے ہیں وہ 80 فیصد بی جے پی کے ساتھ ہیں۔

اسمبلی انتخابات سے پہلے اتر پردیش کے وزیراعلیٰ یوگی آدتیہ ناتھ نے کہا کہ یہ انتخاب '80 بمقابلہ 20' کا ہوگا۔ یوگی آدتیہ ناتھ کے ذریعہ بتائے گئے اعداد و شمار تقریباً اتر پردیش میں ہندوؤں اور مسلمانوں کے تناسب سے میل کھاتے ہیں جہاں اگلے ماہ سے اسمبلی انتخابات شروع ہونے والے ہیں۔ Uttar Pradesh Assembly Election

اتر پردیش کے دارالحکومت لکھنؤ میں ایک پروگرام میں یوگی آدتیہ ناتھ سے برہمن ووٹوں سے متعلق سوال پوچھا گیا تو اس کے جواب میں وزیر اعلیٰ نے کہا کہ 'الیکشن بہت آگے جا چکا ہے اب یہ الیکشن 80 بمقابلہ 20 فیصد کا ہے۔

بشکریہ ٹویٹر

fight between 80 and 20 percent in up

اس کے بعد پروگرام کے میزبان نے کہا کہ اویسی نے کہا ہے کہ وہ 19 فیصد ہیں تو یوگی آدتیہ ناتھ نے میزبان کے سوال کا مختصر جواب دیا۔

وزیر اعلیٰ یوگی نے کہا کہ 'لڑائی اب 80 اور 20 کی ہے جو گڈ گورننس اور ترقی کی حمایت کرتے ہیں وہ 80 فیصد بی جے پی کے ساتھ ہیں اور جو کسان مخالف، ترقی مخالف، غنڈوں، مافیا کی حمایت کرتے ہیں وہ 20 فیصدی اپوزیشن کے ساتھ ہیں۔

Yogi Adityanath

yogi targets muslim population in up elections