یوگی آدتیہ ناتھ نے انلاک نظام کا جائزہ لیا

اترپردیش کے وزیراعلی یوگی آدتیہ ناتھ نے کورونا انفیکشن پر قابو پانے کے لیے لکھنؤ، وارانسی، کانپور اور اجودھیا میں خصوصی احتیاط برتنے کی ہدایت دی ہے۔

کورونا انفیکشن کے پھیلنے پر مسلسل کنٹرول بنائے رکھنے کی ضرورت پر زور دیتے ہوئے اترپردیش کے وزیراعلی یوگی آدتیہ ناتھ نے لکھنؤ، وارانسی، کانپور اور اجودھیا میں خصوصی احتیاط برتنے کی ہدایت دی ہے۔

یوگی آدتیہ ناتھ نے انلاک نظام کا جائزہ لیتے ہوئے کہا کہ کانٹیکٹ ٹریسنگ اور سرویلانس سسٹم میں کوئی کوتاہی نہ برتی جائے، یہی وہ کڑی ہے، جس سے کووڈ-19 کے پھیلنے کو روکنے میں مدد ملی ہے۔

انہوں نے لکھنؤ، وارانسی، کانپور اور اجودھیا میں خصوصی احتیاط برتنے کی ہدایت دی ہے، انہوں نے کووڈ اسپتالوں میں سینئر فیکلٹی ڈاکٹروں کو راؤنڈ لینے کی ہدایت دیتے ہوئے کووڈ اسپتالوں میں ہائی فلو نیزل کنیولا (ایچ این ایف سی) کے انتظام کو بہتر کرنے کے لیے بھی کہا۔

یواین آئی