Yogi govt to Present Budget Today یوگی حکومت آج بجٹ پیش کرے گی

ذرائع کے مطابق اس بار یوگی حکومت تقریباً 7 لاکھ کروڑ روپے کا بجٹ پیش کرے گی، جو اب تک کا سب سے بڑا سالانہ بجٹ ہوگا۔ وزیر خزانہ سریش کھنہ صبح 11 بجے مشترکہ اجلاس میں بجٹ پیش کریں گے۔ Yogi Adityanath govt to present Budget today

لکھنؤ: اتر پردیش میں یوگی آدتیہ ناتھ حکومت بدھ کے روز ریاستی اسمبلی میں مالی برس 2023-2024 کے لیے اپنا اب تک کا سب سے بڑا سالانہ بجٹ پیش کرے گی۔ ریاستی وزیر خزانہ سریش کھنہ نے کہا کہ بنیادی ڈھانچے کی ترقی، صحت کے شعبے اور تعلیم پر توجہ مرکوز کیے جانے کا امکان ہے۔ ذرائع کے مطابق بجٹ کے حجم میں 8-10 فیصد اضافہ ہونے کا امکان ہے اور یہ تقریباً 7 لاکھ کروڑ روپے ہونے کی امید ہے۔ یہ پچھلے بجٹ کے سائز سے 50,000 کروڑ روپے زیادہ ہوں گے، جو کہ تقریباً 6.48 لاکھ کروڑ روپے تھا۔ یہ اتر پردیش حکومت کی طرف سے پیش کیا جانے والا اب تک کا سب سے بڑا بجٹ ہوگا۔ بجٹ سے انفراسٹرکچر کی ترقی، آئی ٹی، صحت اور تعلیم کے شعبوں کو مزید فروغ ملنے کا امکان ہے۔ اس میں خواتین، نوجوانوں اور غریبوں کو مطمئن کرنے کے لیے بھی بہت کچھ ہوگا۔

گلوبل انویسٹرس سمٹ (جی آئی ایس) میں 33.5 لاکھ کروڑ روپے کی سرمایہ کاری کے وعدے موصول ہونے کے ساتھ بجٹ کو این سی آر کے علاقے کے علاوہ دیگر اضلاع میں بنیادی ڈھانچے کی ترقی پر توجہ مرکوز کرنی ہوگی، تاکہ ان علاقوں میں سرمایہ کاری کی تجاویز زمینی حقیقت میں بدل سکیں۔ ریاست میں معیشت کا موجودہ مالی حجم تقریباً 20.48 لاکھ کروڑ روپے کا ہے۔ ڈالر کے مقابلے روپے کی موجودہ قیمت کو دیکھتے ہوئے اتر پردیش کو ٹریلین ڈالر کی معیشت بننے کے لیے اس کی معیشت کا حجم تقریباً 80 لاکھ کروڑ روپے سے زیادہ ہونا چاہیے۔