ریاست اترپردیش کے آٹھ نشستوں پر ہونے والے ضمنی انتخابات کے پیش نظر آج وزیر اعلیٰ یوگی آدتیہ ناتھ ضلع کے ملہنی اسمبلی پہونچے جہاں انہوں نے پارٹی کے کارکنان سے خطاب کیا۔
اس دوران انہوں نے کارکنان سے خطاب کرتے ہوئے اپنی حکمت عملی سے روبرو کرایا اور اپنی حکومت کی کامیابیوں اور وطن پرستی کے زور پر ووٹرز کو اپنی طرف راغب کرکے اس نشست پر کامیابی حاصل کرنے کے لئے جوش و جذبہ پیدا کیا۔
واضح رہے کہ ضلع جونپور کی ملہنی اسمبلی نشست پر گذشتہ دو دہائیوں سے پارٹی کا کمل کھل نہیں پایا ہے اور اسی وجہ سے اس مرتبہ خود وزیر اعلیٰ نے اس کی ذمہ داری سنبھالی ہے۔
یہ نشست ہمیشہ سے ایس پی کے مضبوط رہنما سابق کابینہ وزیر پارس ناتھ یادو اور سابق ممبر پارلیمنٹ دھننجے سنگھ کے مابین لڑائی میں رہی ہے جس میں ہمیشہ پارس ناتھ یادو نے غلبہ حاصل کیا ہے، ان کی وفات کے بعد اس نشست پر جہاں دھننجے سنگھ اپنی ساکھ بچانے کے لئے پوری کوشش کر رہے ہیں وہیں بی جے پی اسے اپنے کھاتے میں لینے کی فراق میں مشغول ہے۔
