نوئیڈا میں ٹوائی سٹی کی تعمیر کرنے کا منصوبہ

ٹوائی سٹی کی تعمیر ہونے سے 50 ہزار سے زائد لوگوں کو براہ راست روزگار ملنے کا امکان ہے۔

ریاست اترپردیش کے ضلع گوتم بدھ نگر کے صنعتی علاقہ گریٹر نوئیڈا کے سیکٹر 33 میں یمنا اتھارٹی نے 100 ایکڑ اراضی پر ٹوائی سٹی تعمیر کرنے کا منصوبہ بنایا ہے۔

یمنا اتھارٹی کی جانب سے اب گریٹر نوئیڈا میں ٹوائی سٹی بنائی جائے گی۔

حکومت اترپردیش کے اس قدم سے جہاں ہزاروں افراد کو روزگار ملے گا، وہیں پڑوسی ملک چین کو بھی مالی نقصان اٹھانا پڑے گا۔

اب بھارتی حکومت چین کو معاشی طور پر نقصان پہنچانے کے لیے تیار ہے۔

اتر پردیش حکومت نے ’’آتم نربھر بھارت‘‘ کی طرف ایک بڑا قدم اٹھایا ہے۔

یمنا اتھارٹی کے چیف ایگزیکٹو آفیسر ڈاکٹر ارون ویر سنگھ نے اس کی جانکاری دی ہے۔

تاہم ابھی ٹوائی سٹی تعمیر کرنے کے لیے لکھنؤ سے اجازت ملنا باقی ہے، دو دنوں بعد لکھنؤ سے اس منصوبے کو اجازت مل جائے گی۔

ٹوائی سٹی میں اشتراک کے لیے ابھی تک ملک بھر سے تقریباً 70 درخواست موصول ہوئی ہیں۔

ڈاکٹر ارون ویر سنگھ نے کہا ہے کہ ابتدائی دنوں میں براہ راست طور پر اس منصوبے 50 ہزار لوگوں کو روزگار ملے گا، جب کہ بالواسطہ طور پر دو لاکھ تک لوگوں کو روزگار ملنے کا امکان ہے۔