گاڑی چیکنگ کے دوران پولیس کا غلط رویہ

پولیس کی بدسلوکی سے ضلع ہردوئی کے لوگ کافی پریشان ہیں۔ مقامی لوگوں نے الزام لگایا کہ بغیر ماسک پہنے پولیس اہلکار گاڑی چیکنگ کے نام پر راہگیروں کو پریشان کررہی ہے۔

ریاست اترپردیش کے ضلع ہردوئی میں محکمہ پولیس گاڑیوں کے چیکنگ کے دوران لوگوں کے ساتھ غلط رویہ سے پیش آرہی ہے۔ ماسک نہ پہنے ہوئی پولیس نے وکلاء کے ساتھ بھی بدتمیزی کی، جس کو لیکر منڈی چوکی پر عوام نے غصے کا اظہار کیا۔

اس تعلق سے سینئر صحافی سدھانشو مشرا نے کہا کہ کورونا وائرس کے دوران پولیس نے پوری ایمانداری اور مستعدی کے ساتھ اپنی خدمات انجام دی ہے لیکن جب سے لاک ڈاون میں نرمی دی گئی ہے تب سے لوگوں نے سماجی فاصلہ کی خلاف ورزی اور ماسک سے پرہیزی اختیار کی ہے۔

انہوں نے کہا کہ ایسی صورتحال میں پولیس نے سخت رویہ اختیار کررکھا ہے جس سے لوگ ناراض ہیں۔

اس دوران لوگوں نے پولیس کے سخت رویہ پر بھی برہمی کا اظہار کرتے ہوئے کہا کہ اگر گاڑی چیکنگ کے دوران پولیس کیسی ایسے سواری پر لاٹھی سے حملہ کرتی ہے جس کے ساتھ کوئی خاتون، بیوی، بچہ یا والدہ سواری ہے تو اس سے پولیس کو پرہیز کرنا چاہئے۔