'World No Tobacco Day' at AMU: انسدادِ تمباکو نوشی کے عالمی دن، اے ایم یو میں تقریب کا اہتمام

علی گڑھ مسلم یونیورسٹی (اے ایم یو) میں تمباکو مخالف عالمی یوم کا اہتمام کرکے تمباکو کے مضر اثرات کے بارے میں آگاہ کیا گیا۔World No Tobacco Day Organized in Aligarh

تمباکو مخالف عالمی یوم کے موقع پر علی گڑھ مسلم یونیورسٹی (اے ایم یو) کے جواہر لال نہرو میڈیکل کالج (جے این ایم سی) کے ریڈیو تھریپی شعبہ میں مریضوں اور ان کی تیمارداروں کو تمباکو کے استعمال کے مضر اثرات کے بارے میں بتایا گیا۔ فیکلٹی ممبران اور ڈاکٹروں نے بتایا کہ کس طرح تمباکو نوشی اور دیگر شکلوں میں تمباکو کا استعمال کینسر، دل کی بیماریوں، فالج، پھیپھڑوں کی بیماریوں، دائمی سانس کی بیماری کا سبب بنتا ہے۔World No Tobacco Day Organized in Aligarh

پروفیسر شاہد علی صدیقی (پرنسپل، جے این ایم سی) نے تمباکو مخالف عالمی یوم کے موقع پر منعقدہ سیمینار میں اظہار خیال کرتے ہوئے کہا کہ تمباکو کا استعمال تپ دق، آنکھوں کی بیماریوں اور مدافعتی نظام کے مسائل و خطرات کو بڑھاتا ہے۔ انہوں نے کہا کے بیداری اور آگہی سے کئی مہلک بیماریوں کو پھیلنے سے روکا جا سکتا ہے۔اس سال کے تمباکو مخالف عالمی یوم کے تھیم 'کرہ ارض کے لئے زہر' موضوع پر اپنے خیالات پیش کرتے ہوئے پروفیسر محمد اکرام (چیئرمین شعبہ ریڈیوتھریپی) نے اپنی نظم بھی سنائی جس میں تمباکو کے استعمال سے دور رہنے کی تاکید کی گئی تھی۔وہی میڈیکل کالج میں ہی دوسری جانب ریزیڈنٹ ڈاکٹروں نے تمباکو کے استعمال کے مضر اثرات کے حوالے سے ایک مختصر ڈرامہ پیش کیا۔

اسی طرح ڈاکٹر ضیاء الدین احمد ڈینٹل کالج (زیڈ اے ڈی سی) کے شعبہ پیریوڈونٹکس اینڈ کمیونٹی ڈینٹسٹری میں بیداری پروگراموں کا اہتمام کیا گیا۔ ڈینٹل کالج سے یونیورسٹی ڈک پوائنٹ تک ایک ریلی بھی نکالی گئی جس میں سو سے زیادہ طلبہ اور فیکلٹی ممبران نے تمباکو کے استعمال سے ہونے والے نقصانات پر کارڈ اٹھا رکھے تھے۔ڈینٹل کالج کے طلبہ اور فیکلٹی ممبران نے ضلع جیل علیگڑھ میں قیدیوں کے لیے دانتوں کی جانچ اور علاج کے کیمپ کا بھی اہتمام کیا اور تمباکو کے استعمال کے مضر اثرات پر ایک مختصر ڈرامہ پیش کیا۔ ضلع علی گڑھ کے جیلر پی کے سنگھ اور ان کی ٹیم نے تقریبا 247 قیدیوں کی دانتوں کی جانچ میں مدد کی۔اے ایم یو میں دوسری طرف احمدی اسکول میں منعقدہ پروگرام میں کسی بھی قیمت پر تمباکو نہ استعمال کرنے کا حلف لیا گیا۔ اس موقع پر پرنسپل ڈاکٹر نائلہ راشد نے تمباکو کے استعمال کے نقصانات پر گفتگو کی۔ اسی طرح اے ایم یو اے بی کے ہائی اسکول (گرلز) میں بھی تمباکو کے استعمال کے خلاف حلف لیا گیا۔ وائس پرنسپل ڈاکٹر صبا حسن کے مطابق اساتذہ نے طلباء کو مصنوعات کے نقصان دہ اثرات کے بارے میں بتایا، جبکہ طلبہ نے بیداری کے لیے پوسٹر بنائے اور ایک مختصر ڈرامہ بھی پیش کیا۔