مئو: اساتذہ کو جدید تعلیم سے روشناس کرانے کے لیے ورکشاپ

پرائمری اسکولوں میں تعلیمی معیار بہتر بنانے کے لیے حکومت ہر ممکن کوشش کر رہی ہے۔ اس ضمن میں 'نشٹھا' نامی ورکشاپ کا اہتمام محکمہ تعلیم کے ذریعہ کیا گیا۔ پانچ روزہ ورکشاپ میں اساتذہ کو جدید تعلیم سے روشناس کرایا گیا۔

ریاست اترپردیش کے ضلع مئو میں منعقد ہوئے پانچ روزہ ورکشاپ کے دوران پرائمری اسکولوں کے اساتذہ کو کچھ نیا سیکھنے کو ملا۔ اساتذہ نئے طرز کی ٹریننگ سے کافی مطمئن نظر آئے۔ انہیں درس و تدریس کے دوران جدید ٹیکنالوجی کے استعمال کی بھی جانکاری دی گئی۔

این سی ای آر ٹی کے ذریعے تیار کیے گئے اس ٹیچنگ ماڈل کو ان اساتذہ کو پروجکٹر کی مدد سے ٹریننگ دی گئی۔ اسسٹنٹ بیسک ایجوکیشن آفیسر کی نگرانی میں جاری ٹریننگ ورکشاپ میں پرائمری اسکول پر تعینات ہیڈ ماسٹر، اسسٹنٹ ٹیچر کے ساتھ ساتھ شکشامتر بھی مستفیض ہوئے۔