بارہ بنکی کے دیوا روڈ پر واقع فوڈ کارپوریشن آف انڈیا کے گودام میں طے وقت سے زیادہ کام کرائے جانے سے مزدور ناراض ہو گئے اور چاول اتارنے کا کام بند کر دیا۔
مزدوروں کے چاول اترائی روک دینے سے افرا تفری، دیکھیں ویڈیو مزدوروں کا الزام ہے کہ ان سے طے وقت سے زیادہ کام لیا جاتا ہے اور اس کے بدلے میں کچھ خاص نہیں دیا جاتا۔ یہ سلسلہ متعدد دنوں سے جاری تھا۔ جس سے ایف سی آئی مزدور کافی پریشان تھے۔
ایف سی آئی مزدور یہاں برسوں سے کام کر رہے ہیں۔ ان کے متعدد دیگر مسائل ہیں، لیکن انتظامیہ ان پر غور کرنے کے بجائے ایف سی آئی پر تمام ذمہ داری ڈال دیتی ہے، جبکہ کام اپنی مرضی کے مطابق کراتا ہے۔اس سے مزدور اور بھی غصہ میں تھے۔
مزدوروں کے اس رخ سے انتظامیہ کے ہاتھ پیر پھول گئے۔ فوراً وہاں تمام متعلقہ افسران پہنچ گئے اور انہیں منانے کی کوشش شروع کردی۔ کافی وقفے کے بعد مزدور راضی ہوئے تو چاول اترائی کا کام شروع ہوا۔
