بریلی: شہر کو اسمارٹ سٹی بنانے کا کام جاری

اتر پردیش کے بریلی شہر کو اسمارٹ سٹی بنانے کے لیے سڑکوں کی تعمیر اور مرمت کا کام تیزی سے کیا جا رہا ہے۔ تعمیر کے بعد سڑکیں شہر کی شاندار تاریخ بھی بتائیں گی۔ اس کے لیے سڑکوں کے ساتھ ساتھ ایک 'ہیریٹیج واک' بھی تعمیر کی جائےگا جو شہر کی تاریخ ادب کے ساتھ آرٹ اور لازوال قربانیوں کی داستان بیان کرے گی۔

بریلی میونسپل کارپوریشن کی جانب سے اسمارٹ سٹی منصوبہ کے تحت شہر کے ترقی کے لیے منتخب کردہ 6 وارڈوں کی سڑکوں کی تعمیر اور ان کی مرمت کام کام جائے گا، ان میں تقریباً 28 سڑکیں شامل ہیں۔

سڑکوں کی دونوں جانب سائن بورڈ لگائے جائیں گے جس پر شہر کی تاریخی شخصیات کے بارے میں لکھا جائے گا۔ اسمارٹ سٹی میں گاندھی گارڈن، رام پور گارڈن، اعظم نگر، سکلا پور، فالتون گنج اور نومحلہ وارڈ شامل ہیں۔

حافظ الملک مقبرہ، بریلی

خانقاہ نیازیہ، بریلی

بریلی میونسپل کارپوریشن کے کمشنر ابھیشیک آنند کے مطابق ہیریٹیج واک پر ٹہلنے کے دوران شہر کے لوگ سائن بورڈ پر بریلی کے انقلابیوں کی قربانیوں کے بارے میں بھی معلومات حاصل کر سکیں گے جنہوں نے سنہ 1857 کے انقلاب میں حصّہ لیا تھا۔

مثال کے طور پر پرانی ضلع جیل کے قریب خان بہادر خان کا مزار اور شہر کے باقر گنج میں محافظ الملک حافظ رحمت خان کا مقبرہ اپنے آپ میں ایک تاریخ ہے۔

رادھے شیام رامائن

شہید خان بہادر خان کی قبر، بریلی

اس کے ساتھ ہی لوگوں کو عالمی شہرت یافتہ درگاہ اعلیٰحضرت، خانقاہ عالیہ نیازیہ، چار ناتھ مندر، پرانی عقب کوتوالی، کمشنری میں پھانسی کی جگہ کے بارے میں بھی معلومات حاصل ہوسکےگی۔

روی پنڈت رادھے شیام کے شاعرانہ انداز میں یعنی نظم میں لکھی گئی رامائن کا بھی تذکرہ کیا جائے گا۔