ماں پر بیٹی کواغوا کرنے کا الزام

ایک دوشیزہ نے گھروالوں کی مرضی کے خلاف شادی کی جس سے ماں اتنا ناراض ہوگئی کہ اس نے اپنی بیٹی کا ہی اغوا کرنے کی کوشش کی۔

ریاست اترپردیش کے ضلع سیتاپور میں ایک ماں نے اپنی ہی بیٹی کو اغوا کرنے کی کوشش کی۔

اے ایس پی مدھوبان سنگھ کا کہنا ہے کہ 'کچھ عرصہ قبل اس لڑکی نے ماں کی مرضی کے خلاف شادی کی تھی، جس سے غصہ ہوکر اس خاتوں نے اپنے داماد کے خلاف زیادتی کا مقدمہ بھی درج کرایا تھا، اس معاملے کی ابھی بھی تحقیق جاری ہے'۔

انہوں نے مزید کہا کہ ' لڑکی اپنے شوہر کے ساتھ کسی کام سے عدالت آئی ہوئی تھی جہاں ان کی ماں نے انہیں اغوا کرنے کی کوشش کی'۔

متاثرہ کا کہنا ہے کہ 'ان کی ماں اور بہن نے چند افراد کے ساتھ مل کے انہیں زبردستی کار میں بٹھانے کی کوشش کی، لیکن وہ کامیاب نہیں ہوسکے۔