سی اے اے کے خلاف مظاہرہ 25ویں دن بھی جاری

شہریت ترمیمی قانون کے خلاف متحدہ خواتین کمیٹی کے زیر اہتمام عیدگاہ میدان میں جاری خواتین کا احتجاج آج 25ویں روز بھی جاری رہا .

احتجاجی مظاہرہ سے خطاب کرتے ہوئے ٖٖفرحت خان نے کہا کہ جس حوصلہ کو لیکر ہم یہاں آئے تھے آج 25دن کے بعد ہمارا حوصلہ اور بلند ہوگیاہے۔
انہوں نے مزید کہا کہ جب ہم یہاں سے اُٹھیں تو سی اے اے، این آرسی اور این پی آر کو ختم کئے جائے ہم یہاں سے جب تک نہیں اُٹھے گے،ہندوستان دنیا کا سب سے بڑا جمہوری ملک ہے اس کی خاصیت یہ ہے کہ یہاں پر سبھی مظاہب کے لوگ پیار و محبت سے رہتے ہوئے آرہے ہیں۔

عظمیٰ نے کہا کہ ہم جب تک نہیں اٹھے گے جب تک یہ قانون واپس نہیں لیا جائے گا۔

انہوں نے کہا کہ ملک کو مذہب،برادری اور طبقات کے نام پر کسی قیمت پر ٹوٹنے نہیں دیاجائے گا۔

شیبانے کہا کہ ہمارا مشن پہلے دن سے یہی ہے کہ ہم ایک اِنچ بھی ہم نہیں ہٹے گے جب تک اس قانون کو واپس نہیں لیا جاتا، ہم آگے بڑھ سکتے ہیں لیکن پیچھے نہیں ہٹ سکتے، جب تک یہ سرکار یہ قانون واپس نہیں لے گی پیچھے ہٹنے کا کوئی سوال ہی پیدانہیں ہوتا۔

بلو نے کہا کہ ہمارا مشن یہی ہے کہ جب یہ قانون واپس ہوجائے گا تو ہم لوگ ترنگے کے ساتھ گھر واپس جائیں گے۔

انہوں نے کہا کہ وزیر اعظم ہند کا یہ کہنا کہ حکومت اپنے فیصلہ سے پیچھے نہیں ہٹے گی ملک کی عوام اور آئین کی بے عزتی کررہے ہیں۔

فاطمہ نے کہاکہ ہمیں یہاں پر بیٹھے ہوئے 25دن ہوگئے اور جب تک شاہین باغ کا دھرنہ جاری رہے گا ہمارا بھی یہ احتجاج جاری رہے گا۔

انہوں نے کہا کہ آئین کو بچانے کے لئے ملک بھر میں لڑی جارہی اس لڑائی کو سبھی مذاہب اور طبقات کے افراد کی حمایت مل رہی ہے۔

انہوں نے کہا کہ آئین کی حفاظت کے لئے ملک میں 100سے زائد مقامات پر یہ تحریک چل رہی ہے اگر حکومت اپنے غلط فیصلوں کو واپس لینے پر راضی نہیں ہوتی ہے تو ملک کے ہر شہر، محلوں اور گلیوں میں یہ تحریک شروع ہوجائے گی ۔