بریلی: طالبات کو بیدار کرنے کے لیے 'مشن شکتی' مہم چلائی گئی

بریلی میں مشن شکتی مہم کے تحت شہر کے اسلامیہ گرلس انٹر کالج میں طالبات کو بیدار کرنے کے لیے بچہ مزدوری، بچوں کی اسمگلنگ اور نابالغ بچیوں کی شادی جیسے عنوان پر کوئز پروگرام منعقد کیا گیا۔

اترپریش کے ضلع بریلی میں منعقد کردہ اس پروگرام کی صدارت خواتین بہبود کی ڈپٹی ڈائریکٹر اور ضلع پروبیشن افسر نیتا اہیروار نے کی۔

نیتا اہیروار نے چائلڈ لیبر ایکٹ - 2016 (ترمیم شدہ) کے بابت اسلامیہ گرلس انٹر کالج کی طالبات کو بیدار کیا۔ خاص طور پر ترمیم شدہ چائلڈ لیبر ایکٹ - 2016 کا مطلب اور اہمیت، اس میں کم از کم اور زیادہ سے زیادہ سزا، قومی چائلڈ لیبر منصوبہ کے تحت طالبات کو آگاہ کیا گیا۔

قومی چائلڈ لیبر منصوبہ کے تحت کام کرنے والے طلبا کو ماہانہ اسٹائیپینڈ، نیا سویرا اسکیم، جہیز کا لین دین، نابالغ بچے کی شادی سمیت تمام اہم معلومات دی گئیں۔

اس کے علاوہ اس پروگرام میں طالبات کو آگاہ کیا گیا کہ خود انحصاری کیسے معاشی انحصار میں اضافہ کرتی ہے۔

نیتا اہیروار نے طالبات کو چائلڈ میرج ممنوعہ ایکٹ 2006 کے بارے میں معلومات دی اور شادی کے لیے عورت اور مرد کی صحیح عمر کے تعلق سے بھی معلومات فراہم کیں۔