سماج وادی پارٹی کے رہنما کی شکایت پر کاروائی جلد ہوگی

عام انتخابات 2019 کے لئے آج تیسرے مرحلے کی ووٹنگ جاری ہے، الیکشن کمیشن نے پر امن و شفاف انتخابات کے لیے کافی سخت ہدایت جاری کی ہیں، لیکن اس کے باوجود رامپور، بدایوں، مین پوری اور کئی اضلاع میں ای وی ایم مشین خراب ہونے کی شکایت مسلسل موصول ہو رہی ہیں۔

آج سماجوادی پارٹی کے لیڈران اُتر پردیش چیف الیکٹرول آفیسر ایل ونکٹیشور لو کے پاس گیے اور ان سے اس بات کی شکایت کیا کہ، "یو پی کابینہ منسٹر سوامی پرساد موریہ نے اپنی بیٹی سنگھ میترا لیے ووٹنگ کی اپیل کررہے ہیں، جو کہ الیکشن کمیشن کے مطابق صحیح نہیں ہے۔"

لہذا ان پر کاروائی ہونی چاہیے۔ اس کے بعد اتر پردیش الیکٹورل کمیشن آفیسر رام تیواری نے پریس کانفرنس کے دوران کہا کہ سماج وادی پارٹی کے لیڈر نے جو شکایت کی تھی اس پر سنجیدگی سے غور کیا گیا ہے۔

ہم نے بدایوں کے ڈی ایم سے پوری رپورٹ مانگی ہے۔ اگر یہ بات صحیح ہوگی تو سوامی پرساد موریہ پر کارروائی کی جائے گی۔

اس کے علاوہ جن اضلاع پر ای وی ایم مشین خراب ہوگئی ہے، وہاں کے بھی سبھی ڈی ایم سی رپورٹ مانگی گئی ہے۔