Where Is Bulldozer: مسلمانوں پر چلایا جانے والا بلڈوزر اب کہاں گیا، حاجی ضمیر اللہ

مرکزی حکومت کی اگنی پتھ اسکیم تنازع کو لے کر ضلع علیگڑھ کوئل اسمبلی کے سابق رکن اسمبلی حاجی ضمیر اللہ خان نے کہا کہ بابا کا بلڈوزر اب کہاں ہے جو احتجاج کرنے والے مسلمانوں کے گھروں پر چلایا گیا تھا یا وہ بلڈوزر صرف مسلمانوں کے لیے ہے؟ Where Did the Bulldozer Run Over the Muslims Go Now

علیگڑھ:مرکزی حکومت کی اگنی پتھ اسکیم کے خلاف ملک کے مختلف علاقوں سمیت ضلع علیگڑھ میں بھی زبردست احتجاج کیا گیا تھا جس کے دوران مظاہرین نے ملکی املاک کو نقصان پہنچایا، ریل گاڑیوں، بسوں، کار، پولیس چوکی وغیرہ میں توڑ پھوڑ کے بعد آگ لگادی گئی تھی۔ احتجاج کے دوران مظاہرین کے ذریعہ کروڑوں کی ملکی املاک کو نقصان پہنچانے پر حاجی ضمیر اللہ خان نے حکومت کی جانب سے کی جا رہی کارروائی پر سوال اٹھاتے ہوئے طنز کیا اور کہا کہ اب کہاں گیا بابا کا بلڈوزر Bulldozer Actionجو حضور صلی اللہ علیہ وسلم کی شان میں گستاخی کرنے والی بی جے پی کی سابق ترجمان کے خلاف احتجاج کے دوران مظاہرین کے گھروں پر چلایا گیا تھا اور بابا کہتے تھے کہ احتجاج کے دوران ملکی املاک کو نقصان پہنچانے والوں کو بخشا نہیں جائے گا، گھروں پر بلڈوزر چلایا جائے گا تو اب کیوں نہیں چلایا جا رہا۔ Where Did the Bulldozer Run Over the Muslims Go Now

حالانکہ حاجی ضمیر اللہ نے احتجاج کرنے والے مظاہرین سے ملکی املاک کو نقصان نہ پہنچانے کی اپیل کی اور کہا کہ یہ ملک اور املاک بھی آپ ہی کی ہے لہٰذا اس کو نقصان نہ پہنچائیں، اس کے ساتھ ہی انہوں نے بلڈوزر پر طنز کرتے ہوئے کہا کہ حکومت دوہری سیاست کر رہی ہے، Bulldozer Politics انہوں نے اس پرحکومت کو آڑے ہاتھوں لیا۔ واضح رہے دو روز قبل علیگڑھ شہر مفتی محمد خالد حمید نے بھی نپور شرما کے خلاف احتجاج کے دوران حکومت کی جانب سے مسلمانوں کے خلاف کی گئی سخت کارروائی اور ان کے گھروں پر چلائے گئے بلڈوزر پر اور اگنی پتھ اسکیم کے خلاف احتجاج کے دوران مظاہرین پر کی گئی نرم کارروائی پر سوال اٹھائے تھے۔