مغربی بنگال میں تمام ترقیاتی منصوبوں بالخصوص خواتین کے لئے لکشمی بھنڈار سمیت اسکیموں کو ریاست کے تمام اضلاع تک پہنچانے کے لئے کیمپ کا انعقاد کیا جا رہا ہے، ان کیمپوں میں خواتین کی بھیڑ امڈ رہی ہے۔ روزانہ ہزاروں خواتین مختلف ترقیاتی منصوبوں سے فائدہ اٹھانے کے لئے ان کیمپوں میں آ رہیں ہیں۔ مغربی بنگال کے مختلف اضلاع کی طرح ہی شمالی 24 پرگنہ کے بیرکپور سب ڈویژن کے گارولیا میونسپلٹی کے وارڈ نمبر سات، آٹھ اور نو میں دوارے سرکار کیمپ کا کامیابی کے ساتھ انعقاد کیا گیا۔
کیمپ کا جائزہ لینے کے لئے آئے کاؤنسلر مقصود حسن نے ای ٹی وی بھارت سے بات چیت میں کہا کہ 'ان کے وارڈ میں دوارے سرکار کے چوتھے مرحلے کے لئے پہلے کیمپ کا اہتمام کیا گیا ہے انہوں نے کہا کہ کیمپ میں تمام تر سہولیات فراہم کرنے کی کوشش کی گئی ہے تاکہ خواتین کو کسی بھی طرح کی کوئی پریشانی پیش نہ آئے۔ دوسری جانب وارڈ نمبر سات کی کاؤنسلر صفیہ خاتون نے کہا کہ وزیراعلیٰ ممتا بنرجی نے مختلف ترقیاتی منصوبوں کی بدولت غریب عوام کو مالی طور پر خود مختار بنانے کی کوشش کر رہی ہیں اور ہم سب ان کی کوششوں کا ایک حصہ بننے کی کوشش کر رہے ہیں۔ انہوں نے کہا کہ اس کیمپ میں درجنوں ملازمین، خواتین کے ہر مسائل کو حل کرنے کی کوشش کے لئے موجود ہیں. ہر سرکاری ملازم اپنی اپنی ذمہ داریوں کو نبھانے کی کوشش میں مصروف ہے
مزید پڑھیں:مغربی بنگال میں دوارے سرکار کیمپ کا انعقاد؎