کانپور:احتجاج متاثرین کےاہل خانہ سے ویلفیئر پارٹی آف انڈیا کے رہنماؤں کی ملاقات

کانپور میں شہریت ترمیمی قانون کے خلاف احتجاجی مظاہرے میں ہلاک ہونے والوں کے اہلخانہ سے ویلفیئر پارٹی آف انڈیا کے صدر اور سکریٹری نے ملاقات کی۔

ویلفیئر پارٹی کے صدر سید قاسم رسول الیاس جنرل سیکریٹری سیما محسن نے کانپور میں احتجاج کے دوران ہلاک ہونے والے افراد کے اہلخانہ سے ملاقات کرتے ہوئے انہیں یقین دہانی کرائی کہ وہ متاثرین کو معاوضہ اور ان کے حق کے لیے لڑائی لڑیں گے۔

گزشتہ 20 دسمبر کو کانپور میں شہری ترمیمی قانون کے خلاف احتجاج میں تین مظاہرین ہلاک جب کہ 14 زخمی ہوئے تھے۔

ویلفیئر پارٹی کی سکریٹری نے خواتین سے خطاب بھی کیا اور ان کی حوصلہ افزائی بھی کی اور انہیں یقین دلایا کہ ان کے ساتھ ان کی پارٹی کھڑی ہے جو انھیں ان کا انصاف دلائیں گی۔

کانپور: ویلفیئر پارٹی کی جنرل سکریٹری سیما محسن نے خواتین سے خطاب کیا

پارٹی کے قومی صدر سید قاسم رسول الیاس نے کہا کہ اترپردیش حکومت نے جو بھی ظلم جہاں جہاں بھی کیا ہےاب ان کی پارٹی ان کے حق کی لڑائی لڑیں گی۔