'یوپی میں عدالت اور عہدے میں اضافہ'

یوگی حکومت کے وزیر قانون برجیش پاٹھک نے کہا ہے کہ عدالت میں مقدمات کی تعداد کو کم کرنے کے لیے حکومت سنجیدہ ہے۔

انہوں نے کہا کہ ان کی حکومت بننے کے بعد سے عدلیہ میں سب سے زیادہ عہدے قائم کیے گئے اور کورٹ کی تعداد میں بھی اضافہ کیا گیا ہے۔

بارہ بنکی میں دیوانی کچہری کے ملازمین کے اجلاس میں شرکت کرنے آئے برجیش پاٹھک نے کہا کہ آزادی کے بعد سے ملک کی آبادی میں مزید اضافہ ہوا ہے. جس کی وجہ سے عدالتوں میں مقدموں کی تعداد میں بھی اضافہ ہوا ہے۔اس لیے حکومت نے 15 ہزار سے زیادہ مقدمے واپس لیے ہیں۔

انہوں نے مزید کہا کہ ان کی حکومت نے ہی عدالت میں ملازم بڑھانے کی کوشش کی ہے۔ عدالتوں میں مقدمے کم ہوں اس لیے فیملی کورٹ کی تعداد بڑھائی جا رہی ہے۔ ساتھ میں کامرشیل اور موٹر ویکل کورٹ کا الگ سے قیام کیاجا رہا ہے۔