ان دنوں بارش کا موسم ہے اور محض کچھ منٹ کی بارش میں شہر کے تمام علاقوں میں اتنا پانی جمع ہو جاتا ہے کہ اسکی نکاسی میں کئی گھنٹے لگ جاتے ہیں۔
بارش کا پانی جمع ہونے سے عوام مشکلات سے دوچار اترپردیش کے بریلی شہر کے خاص محلّوں میں شمار ہونے والے بہاری پور، سودا گران، درگاہ اعلیٰ حضرت جانے والی سڑک، ملوک پور، بجریا، نالا روڈ، جُگّن کی سڑک، جسولی، سٹی روڈ، پوروا ببّن خاں ایسی مسلم اقلیتی بستیاں اور ان علاقوں کے اطراف میں بارش کا پانی جمع ہو جاتا ہے جسے یہاں سے نکلنے میں بہت وقت لگتا ہے۔
بارش کا پانی جمع ہونے سے عوام مشکلات سے دوچار مقامی لوگوں کے مطابق پانی جمع ہونے کی وجہ سے راہگیروں کو کافی مشکلات کا سامنا کرنا پڑتا ہے۔ خاص طور پر ملوکپور علاقے میں تین سے چار فیٹ پانی جمع ہو جانے کی وجہ سے لوگوں کے گھروں میں بھی پانی جمع ہو جاتا ہے۔
بارش کا پانی جمع ہونے سے عوام مشکلات سے دوچار دکانوں میں بارش کا پانی آنے کی وجہ سے دکاندار کا تقصان بھی ہوتا ہے۔
شہر کے اعظم نگر علاقے میں سیور لائن بچھانے کا کام چل رہا ہے۔ لیکن حیرت کی بات یہ ہے کہ یہ کام گزشتہ چار مہینے سے جاری ہے۔ لاک ڈاؤن کے نفاذ سے پہلے یہاں سیور لائن بچھانے کا کام شروع کیا گیا تھا۔ لیکن طویل عرصہ گزر جانے کے باوجود کام مکمل نہیں ہوا ہے جس کی وجہ سے یہاں کے مقامی باشندوں کو کافی پریشانی ہوتی ہے۔
بارش کا پانی جمع ہونے سے عوام مشکلات سے دوچار شہر کے متعدد محلّوں میں محکمہ واٹر کارپوریشن نے سڑک کھودکر سیور لائن بچھانے کا کام شروع کیا ہے۔ لیکن ایک علاقے کی لائن مکمل کرنے سے پہلے ہی دوسرے علاقے کی سیور لائن کے لیئے سڑک کھود ڈالی ہے۔ جسکی وجہ سے تمام علاقوں میں پانی جمع ہونے کا مسئلہ شہر کی سب سے بڑی پریشانی ہے۔
بارش کا پانی جمع ہونے سے عوام مشکلات سے دوچار بریلی میونسپل کارپوریشن اس مسئلہ کو جلدی حل کرنے کا دعوٰی کر رہی ہیں۔
