ریاست اترپردیش کے دارالحکومت لکھنؤ میں اترپردیش شیعہ وقف بورڈ کے سابق چیئرمین وسیم رضوی کے قافلے پر حملہ ہوا، جس کی وجہ سے گاڑی کے شیشے ٹوٹ گئے۔ وسیم رضوی نے چوک کوتوالی میں اس حوالے سے ایف آئی آر درج کروائی ہے۔
شیعہ وقف بورڈ کے سابق چیئرمین وسیم رضوی اپنے متنازعہ بیانات کی وجہ سے اکثر سرخیوں میں رہتے ہیں۔ اُنہوں نے خود پر ہوئے حملے کا الزام عائد کرتے ہوئے کوتوالی میں ایف آئی آر درج کروائی ہے۔ قابل ذکر ہے کہ شہر کے تھانہ چوک علاقے میں کسی نامعلوم شخص نے وسیم رضوی کی حفاظت میں چلنے والی گاڑی پر پتھراؤ کیا، جس کی وجہ سے وسیم رضوی کی گاڑی کا عقبی شیشہ ٹوٹ گیا۔ وہیں، گاڑی کے اگلے شیشے پر پتھر کا نشان بھی ہیں۔