بلند شہر میں انعامی بدمعاش گرفتار

اترپردیش کے ضلع بلند شہر کے اورنگ آباد علاقے میں پولیس نے تصادم کے بعد ایک 20 ہزار روپئے کے انعامی بدمعاش کو گرفتار کیا ہے۔

سینئر سپرنٹنڈنٹ آف پولیس سنتوش کمار سنگھ نے کہا کہ 'اورنگ آباد پولیس نے جمعرات کی رات پولیس کے ساتھ ہوئے تصادم میں ایک 20 ہزار روپئے کے انعامی گینگسٹر راجیندر کو گرفتار کیا ہے۔'

انہوں نے بتایا کہ اطلاع کی بنیاد پر اورنگ آباد پولیس نے عید گاہ روڈ پر واقع ملزم کو تصادم کے بعد گرفتار کر لیا۔ وہ خان پور علاقے کے نگلی گاؤں کا رہنے والا ہے۔

انہوں نے بتایا کہ اس کا ایک منظم گروہ ہے جو مالی فائدے کے لئے عوام کو پریشان کرتا ہے۔ اورنگ آباد پولیس نے اس کے خلاف گینگسٹر ایکٹ کے تحت کارروائی کی تھی۔ وہ کافی دنوں سے پولیس کو مطلوب چل رہا تھا۔

پولیس نے اس کی گرفتاری پر 20 ہزار روپئے کے انعام کا اعلان کیا تھا۔ اس کا ایک ساتھی موقع سے فرار ہوگیا۔