یوپی ڈکیتی معاملے کا مطلوب ملزم تھانے میں گرفتار

اترپردیش پولیس نے پھول پور پولیس اسٹیشن میں درج ڈکیتی معاملے میں مطلوب ایک ملزم کو پیر کے روز یہاں سٹی کرائم برانچ کی مدد سے سراغ لگا کر اسے گرفتار کرلیا۔

یوپی پولیس ڈکیتی معاملے میں ضلع اعظم گڑھ کے نظام آباد کا باشندہ ملزم عبد الرحمن شیخ ( 32) کی تلاش کر رہی تھی۔

اس سلسلے میں دفعہ 395 ، 412 ، 325 اور 174 (اے ) کے تحت فوجداری مقدمہ درج ہونے کے بعدسے ملزم فرار تھا۔

پولیس نے بتایا کہ یوپی پولیس نے اس پر 50،000 روپےکا انعام بھی رکھا تھا۔ یہ خفیہ اطلاع ملنے پر کہ ملزم تھانہ میں ہے، یوپی پولیس نے تھانہ سٹی پولیس کی مدد لی اور پولیس کی ایک ٹیم کو تھانہ روانہ کیا گیا جہاں یوپی پولیس اور سٹی پولیس کی مشترکہ ٹیم نے آج تھانہ ریلوے اسٹیشن کے قریب آٹو رکشا اسٹینڈ کا محاصرہ کرکے اسے گرفتار کرلیا۔

پولیس کے بیان کے مطابق اسے یوپی لے جایا گیا ہے۔

یو این آئی