بارہ بنکی: ووٹنگ ملازمین کو دی گئی ٹریننگ

دسمبر میں لکھنؤ ایم ایل سی گریجویٹ اور ٹیچر نشست کے لئے ہونے والی حق رائے دہی کے لئے تمام ووٹنگ ملازمین کو ٹریننگ دی گئی۔

ریاست اتر پردیش کے ضلع بارہ بنکی میں ضلع مجسٹریٹ ڈاکٹر آدرش سنگھ کی صدارت میں ہوئی اس ٹریننگ میں تمام ملازمین کو تفصیل سے ووٹنگ کرانے کا پورا طریقہ بتایا گیا۔

جس سے حق رائے دہی کے وقت انہیں کسی بھی قسم کی کوئی پریشانی نہ ہو۔ نگر پالکا کے آڈیٹوریم میں ہوئی اس ٹریننگ میں ضلع کے تمام اعلیٰ افسران موجود رہے۔

اس موقع پر ضلع الیکشن افسر/ضلع مجسٹریٹ نے تمام پرسائیڈنگ افسر اور ووٹنگ افسر کو ہدایت دی کہ وہ اپنی ذمہ داری پر مستعدی سے عمل کریں۔

انہوں نے کہا کہ الیکشن میں لگے تمام افسر غیر جانب داری، شفافیت اور آزادی کے ساتھ الیکشن کرائیں۔

انہوں نے کہا کہ 30 نومبر کو الیکشن کے لئے تمام پولنگ پارٹیز روانہ ہوں گی۔ ضلع مجسٹریٹ نے کووڈ-19 سے متعلق خصوصی ہدایات دیں۔

انہوں نے کہا کہ پولنگ بوتھ پر روانگی سے قبل تمام افسر اس بات کی یقین دہانی کر لیں کہ ان کے پاس سینی ٹائیزر اور ماسک ہو، ساتھ ہی وہ سوشل ڈسٹینسنگ کا عمل بھی مکمل کریں گے۔