'سی اے اے اور این ار سی کے ذریعہ حکومت نے لوگوں کو گمراہ کیا ہے'

ریاست اترپردیش میں کانگریس پارٹی نے ضلعی صدور و مہانگر کے صدور کی فہرست جاری کر کے سبھی عہدے داروں کو کانگریس پارٹی کی ذمہداریاں سونپ دی ہیں۔

ضلع مرادآباد سے کانگریس نے وینود گمبر کو ضلعی صدر کی ذمہ داری دی ہے جبکہ رضوان قریشی کو مرادآباد مہانگر کی ذمہ داری دی ہے۔

وینود گمبر نے ای ٹی وی بھارت اردو سے بات کرتے ہوئے ضلعی صدر بنائے جانے پر سونیا گاندھی اور راہل گاندھی کا شکریہ ادا کیا۔

اس موقع پر انہوں نے سی اے اے اور این آر سی کے تعلق سے کہا کہ بی جے پی نے موجودہ حالات میں ایسے موضوعات پر لوگوں کو گمراہ کر کے بہت سنگین جرم کیا ہے۔

انہوں نے کہا کہ بی جے پی پہلے ہی جی ایس ٹی اور نوٹ بندی کے ذریعہ عوام کو بے روز کر دیا ہے، حکومت نے لوگوں کے منھ سے نوالے بھی چھین لیے ہیں۔