بابری مسجد انہدام کیس: ونئے کٹیار سی بی آئی کی خصوصی عدالت میں پیش

بابری مسجد انہدام کیس میں سی بی آئی کی خصوصی عدالت میں سماعت جاری ہے۔ بی جے پی کے سینئر رہنما و سابق رکن پارلیمان ونئے کٹیار کو آج عدالت میں طلب کیا گیا ہے جہاں ان کے بیانات قلمبند کیے جائیں گے۔

ریاست اترپردیش کے دارالحکومت لکھنؤ میں بابری مسجد انہدام کیس کی سماعت سی بی آئی کی خصوصی عدالت میں کئی دنوں سے جاری ہے۔ جس میں راجیہ سبھا کے سابق رکن پارلیمان ونئے کٹیار کو آج طلب کیا گیا ہے جہاں ان کے بیانات قلمبند کیے جائیں گے۔ اسی کے ساتھ ہی متنازعہ بابری مسجد انہدام کیس کی سماعت کے دوران عدالت میں سماجی دوری کا بھی خیال رکھا جارہا ہے۔

بابری مسجد انہدام کیس: ونئے کٹیار کی آج سی بی آئی کی خصوصی عدالت میں پیشی

کورونا وائرس کے پیش نظر عدالت میں سماجی دوری پر خصوصی توجہ دی جارہی ہے۔جس کی وجہ سے ایک دن میں صرف ایک ملزم کی سماعت ہو رہی ہے۔

بابری مسجد مسمار کرنے کے معاملے میں ملزمین کے بیان سی بی آئی کی خصوصی عدالت میں ریکارڈ کیے جارہے ہیں۔ جس میں ہر ملزم سے ایک ہزار سوالات پوچھے جارہے ہیں۔ خصوصی عدالت میں سماعت کے دوران اب تک اما بھارتی، ایل کے اڈوانی اور بہت سے دوسرے لوگوں کے بیانات قلمبند ہوچکے ہیں۔

بتا دیں کہ اس سے قبل بابری تنازعہ کیس میں جئے بھان سنگھ پویہ کو گوالیار عدالت میں طلب کیا گیا تھا۔