مفتی اسد قاسمی نے ونے کٹیار پر الزام لگایا کہ وہ ہمیشہ ملک کے امن و امان کو بگاڑنے کےلیے کوشاں رہتے ہیں۔ انہوں نے کہا ایودھیا معاملہ میں سپریم کورٹ کا فیصلہ آنا باقی ہے ایسے میں ونئے کٹیار کا یہ بیان عدالت کی توہین ہے۔
اسد قاسمی نے مزید کہا کہ جہاں ایک طرف مسلم رہنما ارشد مدنی ہر حال میں عدالت کے فیصلے کا احترام کرنے کی نصیحت کر رہے ہیں تو دوسری جانب نام نہاد ہندو رہنما فیصلہ سے قبل جیت کی بات کرتے ہوئے عدلیہ کی توہین کر رہے ہیں۔
انہوں نے کہا کہ حکومت اور عدلیہ کو ایسے افراد کے خلاف سخت کاروائی کرنا چاہئے تاکہ ملک میں فرقہ وارانہ ہم آہنگی برقرار رہ سکے۔
