امروہہ: ولیج ڈیولپمنٹ آفیسر کی مشکوک حالت میں موت

آفیسر کی اہلیہ سیما دیوی نے بتایا کہ 'اتوار کی رات اچانک ان کے شوہر مہیپال کی طبیعت خراب ہوگئی اور انہیں نجی اسپتال لے جایا گیا جہاں ڈاکٹروں نے ان کی حالت تشویشناک دیکھ کر انہیں مراد آباد ریفر کردیا لیکن علاج کے دوران ان کی موت ہوگئی۔'

ریاست اترپردیش کے امروہہ ضلع کے نوگوان پولیس تھانہ علاقہ کے گاؤں مکاری کے رہائشی مہیپال کی اچانک طنیعت خراب ہونے کی وجہ سے انتقال ہو گیا۔ مہیپال وگاجرولا بلاک میں ولیج ڈویلپمنٹ آفیسر کے عہدے پر تعینات تھے۔ اس وقت وہ شہر کے محلہ ٹیچر کالونی میں کنبہ کے ساتھ رہ رہے تھے۔

ولیج ڈویلپمنٹ آفیسر کی اہلیہ سیما دیوی نے بتایا کہ 'اتوار کی رات اچانک ان کے شوہر مہیپال کی طبیعت خراب ہوگئی اور انہیں نجی اسپتال لے جایا گیا جہاں ڈاکٹروں نے ان کی حالت تشویشناک دیکھ کر انہیں مراد آباد ریفر کردیا لیکن علاج کے دوران ان کی موت ہوگئی۔'

امروہہ کے ایڈیشنل سپرنٹنڈنٹ پولیس اجے پرتاپ سنگھ نے بتایا کہ 'مقتول شراب کے عادی تھے اور وہ کافی عرصے سے شراب پی رہے تھے، جس کی وجہ سے وہ پہلے بھی حادثے کا شکار ہو چکے تھے۔'

انہوں نے بتایا کہ 'مقتول کی لاش پوسٹمارٹم کے لئے بھیج دی گئی ہے اور رپورٹ آنے کے بعد ہی مزید کارروائی کی جائے گی۔'