کانپور میں مسلم شخص کی بے رحمی سے پٹائی، جے شری رام کہنے پر بھی مجبور کیا گیا

کانپور میں ایک معمولی سے جھگڑے میں کچھ شدت پسندوں نے ایک مسلمان ای رکشہ ڈرائیور کو سرعام پیٹنے کا ویڈیو سوشل میڈیا پر وائرل ہو رہا ہے۔ ویڈیو میں مارنے والے لوگ مسلم لڑکے کو جے شری رام کے نعرے لگانے پر مجبور کر رہے ہیں جبکہ اس کی معصوم بچی اپنے والد کو نا مرنے کی فریاد کررہی ہے۔

اتر پردیش کے کانپور میں کچھ انتہا پسندوں نے ایک مسلمان رکشہ ڈرائیور کو سرعام پیٹا اور 'جئے شری رام' کے نعرے لگائے اور سڑک پر جلوس بھی نکالا۔ جس کا ویڈیو سوشل میڈیا پر وائرل ہورہا ہے۔

وائرل ویڈیو میں دیکھا جاسکتا ہے کہ کچھ ہندو انتہا پسند لوگ کھلے عام مسلم طبقے کے ایک شخص پر حملہ کر رہے ہیں اور اس کو جے شری رام کے نعرے لگانے پر بھی مجبور بھی کررہے ہیں۔ اس ی دوران تقریبا 8 سال کی ایک معصوم بچی اپنے والد کو بچانے کے لیے بار بار حملہ آوروں سے نہ مارنے کی التجا کر رہی ہے۔ لیکن اس کے باوجود ہندو انتہا پسند لوگ نوجوان کو پیٹتے رہے۔

دراصل کانپور کے برا علاقے کی کچی بستی سے تعلق رکھنے والے افسر احمد ای رکشہ چلاتے ہیں، ان کا ای رکشہ پڑوس میں بنی ایک جھونپڑی سے ٹکرا گیا جس کی وجہ جھگڑا شروع ہوگیا۔

اس موقع کا فائدہ اٹھاتے ہوئے فرقہ پرست لوگوں نے اسے ہندو مسلم کا رنگ دے دیا۔ پڑوسی اجے بینڈ والا، اس کا لڑکا ڈان اور اس کے دیگر ساتھیوں نے افسر کے ساتھ مار پیٹ شروع کر دی، اس مار پیٹ کو اجے کے ساتھیوں نے مذہبی رنگ دیتے ہوئے جے شری رام کا نعرہ لگانے پر بھی مجبور کیا۔

جب یہ معاملہ پولیس کے علم میں آیا تو فورا پولیس نے موقع پر پہنچ کر کسی طرح سے ہندو انتہا پسندوں سے افسر احمد کو چھوڑا کر تھانہ لے آئے۔

افسر احمد کی بیوی روبینہ بیگم نے ملزمین کے خلاف تحریری شکایت درج کرا دیا ہے۔ وہیں دوسری طرف افسر احمد کے خلاف بھی ہندو انتہا پسند کے کارکنان نے تبدیل مذہب کرانے کا الزام لگاتے ہوئے ایک تحریر دے کر مقدمہ درج کرا دیا ہے۔

پولیس نے دونوں کی تحریر پر مقدمہ درج کر لیا ہے پولیس اب اس معاملے کی تحقیق کرے گی اس کے بعد کوئی قانونی کارروائی عمل آئے گی۔

فی الحال علاقے کا ماحول پرسکون ہے اور کسی طرح سے ماحول خراب نہ ہو اس لیے موقع پر بڑی تعداد میں پولیس فورس کو تعینات کردیا گیا ہے۔