ضلع چترکوٹ کے مانک پور تھانہ علاقے میں ایک لڑکی کے اہلخانہ چھیڑ چھاڑ کے معاملے پر شکایت کرنے تھانہ پہنچے، متاثرہ کے اہلخانہ پر لڑکے کے گھر والوں نے لاٹھی ڈنڈوں اور پتھروں سے حملہ کردیا، جس میں متاثرہ کے اہلخانہ شدید زخمی ہوئے ہیں۔
تھانہ پولیس نے دونوں فریق کے خلاف کارروائی کرتے ہوئے دو افراد کو گرفتار کیا ہے۔مانک پور کی رہنے والی متاثرہ نے بتایا کہ وہ بی اے فرسٹ ایئر کی طالبہ ہے، پڑوس کا ایک نوجوان اور اس کے دو دوست اس کو پریشان کررہے تھے، ان کی حرکتوں سے پریشان ہو کر متاثرہ اپنی بہن کے گھر پترکارپورم میں رہنے لگی۔وہیں تین دن بعد ایک شخص پترکار پورم پہنچا اور متاثرہ کو فون دے کر بات کرنے کا دباؤ بنایا۔
متاثرہ نے الزام عائد کیا کہ موبائل لینے سے انکار کرنے پر اسے بری طرح پیٹا گیا۔وہیں ہفتے کے روز لڑکی پین کارڈ بنانے کے لیے گئی تو لڑکوں نے اس کا پیچھا کیا، جس کے بعد لڑکی نے یہ بات اہلخانہ کو بتایا، جس کے بعد متاثرہ کے اہلخانہ لڑکے گھر گئے تو انہوں نے ان کے ساتھ بدسلوکی کی، لڑکی کے اہلخانہ نے ڈائل 112 پر اس کی اطلاع دی، جس سے ناراض ہو کر لڑکے کے گھر والوں نے لاٹھی ڈنڈوں اور پتھروں سے ان پر حملہ کردیا۔
اس حملے میں متعدد افراد زخمی ہوئے ہیں۔ زخمیوں کو کمیونٹی ہیلتھ سینٹر میں داخل کرایا گیا، وہیں علاقائی افسر سبودھ گوتم نے بتایا کہ دو فریق کے درمیان مارپیٹ ہوئی تھئ، جس کی تحریر پر دونوں فریق کے خلاف مقدمہ درج کیا گیا ہے، چھیڑ چھاڑ معاملے میں دو نوجوانوں کو گرفتار کیا گیا ہے۔
