مظفر نگر میں گاڑی چوروں کے گروہ کا انکشاف

اترپردیش کے مظفر نگر میں پولیس نے گاڑی چوروں کے ایک گروہ کا انکشاف کرتے ہوئے چھ ملزمین کو گرفتار کر لیا ہے۔ پولیس نے ملزمین کے قبضے سے 17 گاڑیوں کے انجن اور ساز و سامان بھی برآمد کیے ہیں۔

اتر پردیش کے ضلع مظفر نگر کے شہر کوتوالی کے علاقے میں پولیس نے گاڑیاں چوری کرنے والے ایک گروہ کا انکشاف کیا۔

مظفر نگر کے ایس پی سٹی وجیہ ورگئے نے پریس کانفرنس کرکے بتایا کہ مظفر نگر میں پولیس کے سینئر سپرنٹنڈنٹ ابھیشیک یادو کی رہنمائی میں ضلع مظفر نگر میں پولیس کے ذریعے چلائی جا رہی دھر پکڑ مہم کے تحت آج تھانہ کوتوالی پولیس اور کرائم برانچ پولیس کی مشترکہ ٹیم نے کارروائی کی۔

مخبر کی اطلاع پر پولیس اور کرائم برانچ کی مشترکہ کارروائی کے دوران مظفر نگر کے گہرے باغ پیر کے قریب چھ ملزمین کو موقع سے گرفتار کر لیا گیا۔

پولیس نے ملزمین قبضے سے چوری شدہ گاڑیوں کے 17 انجن اور گاڑیوں کے دیگر سازو سامان برآمد کیے۔

پکڑے گئے سبھی ملزم مظفر نگر کے ہے رہائشی ہیں۔

پولیس کے مطابق ملزمین نے پوچھ کچھ میں انکشاف کیا ہے کہ وہ تمام گاڑیاں ہری دوار سے چوری کر کے لاتے تھے جن کو کٹوا کر فروخت کرکے منافع کماتے تھے۔
ملزمین کے قبضے سے پولیس نے چوری شدہ گاڑیاں اور اُنکے کٹے ہوئے انجن اور دیگر سازو سامان برآمد کیے۔

پریس کانفرنس کے دوران، نوجوان آئی پی ایس افسر ایس پی مظفر نگر ارپیت وجئے ورگیا نے بتایا کہ مظفر نگر ضلع پولیس کو سینئر سپرنٹنڈنٹ پولیس ابھیشیک یادو کی رہنمائی میں مجرموں کے خلاف کارروائی میں تیزی لائی جائے گی اور بدمعاشوں اور جرائم پیشہ افراد کی دھر پکڑ جاری رہے گی۔