اجتماعی شادی اسکیم پر ایک نظر

سوشل ویلفیئر محکمہ کی جانب سے ایک ویڈیو تیار کی گئی ہے جس کا مقصد وزیر اعلی کے جانب سے اجتماعی شادی اسکیم کو ضلع کے تمام اہل افراد تک پہنچانا ہے۔

ریاست اترپردیش کے ضلع گوتم بدھ نگر کے چیف ڈویلپمنٹ آفیسر انل کمار سنگھ اور ڈسٹرکٹ سوشل ویلفیئر آفیسر ایس بی سنگھ اپنے محکمہ کی تمام سوشل سیکٹر اسکیموں تک رسائی کے لیے مختلف قسم کے بیداری پروگرام کا انعقاد کر رہے ہیں۔

اس سلسلے میں ضلع سوشل ویلفیئر محکمہ کی جانب سے ایک ویڈیو بھی تیار کی گئی ہے جس کا مقصد وزیر اعلی کے جانب سے اجتماعی شادی اسکیم کو ضلع کے تمام اہل افراد تک اس کا فائدہ پہنچانا ہے۔

جس میں آسانی سے اس اہم اسکیم سے فائدہ اٹھانے کے بارے میں مکمل معلومات فراہم کی گئی ہے۔

ریاستی حکومت اس اجتماعی شادی کے پروگرام کے ذریعے یہ دکھانا چاہتی ہے کہ وہ عوامی فلاح و بہبود کے شعبے میں نمایاں کارنامہ انجام دے رہی ہے۔

بعض مقامات پر اس طرح کے پروگرام منعقد کرکے کے اس کی تشہیر و ترویج کی حکومتی مشینری کے ذریعے خاص کوشش کی جا رہی ہے تاکہ سماج میں حکومت کی بہتر شبہہ قائم ہو سکے۔