بنارس: وزیراعظم کے راحتی پیکج سے بنکر طبقہ مایوس

کورونا وائرس کی وبا کے دوران لاک ڈاؤن کے نفاذ کے دوران وزیراعظم نریندر مودی نے خطیر پیکج کا اعلان کیا ۔جس سے انہیں کے پارلیمانی حلقہ بنارس کے بنکرز مایوس ہیں اور فاقہ کشی پر مجبور ہیں.

بنکر ادھیکار منچ کے قومی صدر ادریس انصاری نے بتایا کہ وزیر اعظم نریندر مودی کے پارلیمانی حلقہ بنارس کے بنکر فاقہ کشی کرنے پر مجبور ہیں. حالیہ دنوں میں فیصل نامی شخص نے بھوک کی وجہ سے خودکشی کر لیا تھا.

اس دوران ان مرکزی حکومت نے ایک خطیرپیکج کا اعلان کیا ہے لیکن بنکر سماج اس سے مایوسی کا اظہار کر رہا ہے -انہوں نے کہا کہ کہ وزیراعظم نریندر مودی نے اپنے پارلیمانی حلقہ بنارس کے لوگوں کو نظرانداز کیا ان کے لئے کوئی خاص پیکج کا اعلان نہیں کیا ہے.

انہوں نے مزید کہا کی بنکر طبقے میں زیادہ تر ناخواندہ افراد ہیں ایسے میں اس پیکج سے کسی طر کی امید کی کرن نظر نہیں آرہی ہے ۔ انہوں نے کہا کہ یہ صرف گمراہ کن پیکج ہے جس سے بن کر طبقہ ما یوس ہے.

واضح رہے کہ لاک ڈاؤن کو تقریبا دو مہینہ کا طویل مدت گزرنے والا ہے اس کی وجہ سے بنکرز کو معاشی بحران کا سامنا ہے.