میرٹھ: ریاست اترپردیش کے میرٹھ شہر کی سبھارتی یونیورسٹی میڈیکل کالج میں بی ڈی ایس سیکنڈ ایئر کی طالبہ وانیہ شیخ کی خودکشی کے معاملے میں پولیس کی شروعاتی تحقیقات نے اس معاملے کو ایک نیا رخ دے دیا ہے۔ وہیں پولیس کی اس تھیوری سے وانیہ کے اہل خانہ اور سماجی تنظیم کے لوگ اختلاف کا اظہار کر رہے ہیں۔ مقدمے کی ابتدائی تفتیش کے بعد ایک طرف جہاں پولیس اس واقعے کی وجہ طالب علم اور طالبہ کے درمیان خراب تعلقات اور غلط فہمی بتا رہی ہے۔ جس کی وجہ سے ملزم سدھانت نے وانیہ کے ساتھ مارپیٹ کو انجام دیا تھا۔ کالج میں ہی دوسرے ہم جماعت سدھانت کی اس حرکت سے صدمے اور غصے میں آکر وانیہ نے کالج لائبریری کی عمارت کی چھت سے چھلانگ لگا کر خودکشی کرلی۔ پولیس کا یہ دعویٰ وانیا اور ملزم طالب علم سدھانت کے سوشل میڈیا چیٹ پیغامات اور ہم جماعتوں سے لی گئی معلومات پر مبنی ہے۔ ماضی کے واقعات کی کڑیوں کو جوڑتے ہوئے پولیس کچھ اس خودکشی کی وجہ اس طرح بیان کر رہی ہے۔
پولیس کی یہ تھیوری وانیہ شیخ کی خودکشی کی وجہ ہے لیکن وانیہ شیخ کی مار پیٹ کی سی سی ٹی وی فوٹیج دیکھنے کے بعد معاملہ اتنا سادہ نظر نہیں آتا جتنا بتایا جا رہا ہے۔ کالج کی سی سی ٹی وی فوٹیج کی اس خصوصی تصویر میں آپ دیکھ سکتے ہیں کہ ملزم طالب علم سدھانت، جو باہر ایک کار میں سوار تھا، اپنے کچھ ساتھیوں کے ساتھ لائبریری کی عمارت کے قریب ایک جگہ رکتا ہے اور پھر وانیہ کو بلاکر اور اسے چانٹا مارتا ہے ،چانٹا مارنے سے لیکر خودکشی کیے جانے تک کا پورا واقعہ پیش کیا گیا، سی سی ٹی وی فوٹیج دیکھنے کے بعد وانیہ کے والد ملزم طلباء کے علاوہ سدھانت اور سدھانت کے ساتھ کار میں موجود لوگوں پر بھی شکوک و شبہات پیدا کر رہا ہے۔ Vaniya Shaikh suicide case