میرٹھ: 18 برس سے زائد عمر کے افراد کو بغیر سلاٹ بک کیے کورونا ویکسینیشن

میرٹھ میں کورونا ویکسینیشن بیداری مہم کے تحت آج سے شہر کے تین ہیلتھ مراکز پر 18 سال سے اوپر کے نوجوانوں کو کورونا کا ٹیکہ بغیر سلاٹ بک کرائے لگایا جا رہا ہے۔ وہیں میرٹھ کے مسلم آبادی والے احمد نگر علاقے کے لکھی پورا ہیلتھ پوسٹ پر بھی بڑی تعداد میں نوجوانوں کو کورونا کا ٹیکہ لگایا گیا۔ اس موقع پر پولیس اور ضلع انتظامیہ کے اعلیٰ افسران نے گلی محلوں میں جاکر نوجوان و بزرگوں سے کورونا  ٹیکہ لگوانے کی اپیل کی ہے۔

ریاست اتر پردیش کے ضلع میرٹھ میں بھی آج سے 18 سال کے اوپر کے نوجوانوں کو کورونا کا ٹیکہ بغیر سلاٹ بک کرائے لگائے جانے کی شروعات ہو گئی ہے اسی کے تحت میرٹھ کے مسلم آبادی والے احمد نگر علاقے کے لکھی پورا ہیلتھ پوسٹ پر بھی 18 سال کے اوپر کے نوجوانوں کو کورونا کا ٹیکہ لگایا گیا۔

اس دوران ضلع انتظامیہ اور محکمہ پولیس کے اعلیٰ افسران کے ساتھ سماجی تنظیم و مقامی کارپوریٹروں نے علاقے میں گھر گھر جاکر لوگوں سے کورونا کا ٹیکہ لگوانے کی اپیل کی اور کورونا ویکسینیشن کو لیکر غلط فہمی کے ماحول کو ختم کرتے ہوئے عوام کو بیدار کرنے کی کوشش کی۔ جس کی وجہ سے ٹیکہ کاری مراکز پر بڑی تعداد میں لوگ پہنچ کر کورونا کا ٹیکہ لگوا رہے ہیں۔

کورونا ویکسینیشن مہم

کورونا ویکسینیشن مہم

میرٹھ میں جس طرح سے کورونا ویکسینیشن کی شروعات کے ساتھ ہی عوام میں کورونا ٹیکہ کاری کو لیکر جو غلط فہمی کا ماحول دیکھا جا رہا تھا اس غلط فہمی کو دور کرتے ہوئے آج شہر میں سبھی کمیونٹیز کے درمیان جاکر افسران ویکسین کو لیکر پھیلائی جا رہی غلط فہمی کو نہ صرف دور کر رہے ہیں بلکہ ان کے ذریعے دوسرے لوگوں کو بھی کورونا ویکسینیشن کرانے کے لیے ہموار کررہے ہیں تاکہ آنے والی تیسری لہر سے عوام کو محفوظ رکھا جا سکے۔