مظفر نگر: چار مراکز سے ٹیکا کاری مہم کا آغاز

اُتر پردیش کے ضلع مظفر نگر میں آج کورونا کی ٹیکا کاری مہم کا کام مظفر نگر کے چار کمیونٹی ہیلتھ سینٹرس سے آغاز ہو گیا ہے۔

گزشتہ 14 جنوری کی شام کو ضلع سہارنپور سے مظفر نگر پہنچی کووڈ۔19 ویکسین کو 15 جنوری کی شام مظفر نگر ضلع کے چار مراکز کمیونٹی ہیلتھ سنٹر جانسٹھ، کمیونٹی ہیلتھ سنٹر مکھییالی، کمیونٹی ہیلتھ سنٹر کھتولی اور کمیونٹی ہیلتھ سنٹر چارتھاول میں ویکسین کو حفاظتی انتظامات کے ساتھ یہ ویکسین روانہ کردی گئی تھی۔

جس سے کی آج یعنی 16 جنوری بروز سنیچر کو آسانی کے ساتھ ٹیکہ کاری کا کام انجام دیا جا سکے۔ ہر طبی مرکز میں صبح 10.00 بجے سے شام 5 بجے تک ٹیکہ کاری کی جائے گی۔ پروگرام کے تحت ہر مرکز پر 100 طبی کارکنوں کی ٹیکہ کاری کا ہدف رکھا گیا ہے، جس کے لئے تمام تیاری کل ہی مکمل کرلی گئی تھی۔

آج یہ ویکسینیشن کے کام کو چاروں مقام پر حفاظت کے ساتھ انجام دیا جا رہا ہے۔ چیف میڈیکل آفیسر نے مزید معلومات دیتے ہوئے بتایا کہ جن لوگوں کو آج یہ ویکسین کا پہلا ٹیکہ دیا گیا ہے، انہیں ویکسین کا دوسرا ٹیکہ 28 دن بعد دیا جائے گا۔

انہوں نے بتایا کہ جس شخص کو کورونا سے بچاؤ کے لیے پہلا ٹیکہ دیا جائے گا، اُنہیں خود کو کورونا سے بچانے کے لئے پہلے کی طرح اپنا خیال رکھنا ہے۔ انہیں ماسک، سینیٹائزر اور معاشرتی فاصلے پر مناسب طریقے سے عمل کرنا ہوگا، جب تک کہ دوسرا ٹیکہ نہیں لگا دیا جاتا ہے، اس وقت تک انہیں کورونا وائرس سے بچنے کے لیے دیکھ بھال کرنا ہوگا۔

اس کام کو بخوبی انجام دینے کے لیے آج صبح سے ہی انتظامیہ کے اعلیٰ افسران کے ساتھ ساتھ محکمہ صحت کا پورا عملہ فیلڈ پر موجود رہا، جس سے کی اس وبا سے بچاؤ کے لیے لگائے جا رہی ویکسین میں کسی بھی طرح کی کوئی کمی نہی رہ جائے۔