گوتم بدھ نگر: اعلی عہدیداروں نے کورونا کا ٹیکہ لگوایا

ویکسینیشن پروگرام کے تحت ضلع گوتم بدھ نگر کے تمام اعلی عہدیداروں نے جمس ہسپتال میں ڈاکٹروں کی نگرانی میں کورونا ویکسین لگوایا۔

نوئیڈا:اترپردیش کے ضلع گوتم بدھ نگر کے تمام اعلیٰ عہدیداروں نے آج کویڈ 19 کا ویکسین لگوایا۔ جن میں گریٹر نوئیڈا کے سی ای او نریندر بھوشن، پولیس کمشنر آلوک سنگھ، ایڈیشنل پولیس کمشنر لو کمار اور ضلع مجسٹریٹ سہاس ایل وائی شامل تھے۔

کویڈ 19 کا انجیکشن لگانے سے قبل جمس میڈیکل کالج کے ڈاکٹرز کی جانب سے تمام افسران کی صحت کی جانچ کی گئی۔ اس کے بعد ویکسین لگائے گئے اور آدھے گھنٹے تک تمام افسران کو میڈیکل ٹیم کی نگرانی میں رکھی گئی۔

واضح رہے کہ گذشتہ برس سے کورونا وبا کے دوران یہ تمام افسران مستقل طور پر عوامی خدمات انجام دے رہے تھے۔

ویکسینیشن کے بعد افسران نے کہا کہ ویکسینیشن پروگرام کے تحت جن کا بھی نمبر شیڈول کے مطابق آرہا ہے وہ ویکشین لینے ہسپتال ضرور آئیں۔