اترپردیش: تنظیم اتحاد ملت کی کل جماعتی میٹنگ منعقد

میٹنگ کا مقصد عام انتخابات میں مسلم ووٹرز کو بیدار کرنے کے لئے محلہ اور وارڈ وائز کمیٹیوں کو تشکیل دینا تھا۔

ریاست اترپردیش کے شہر رامپور میں آج تنظیم اتحاد ملت کی جانب سے ایک میٹنگ کا اہتمام ہوا، جس میں ۤآنے والے انتخابات کی تیاریوں پر تبادلہ خیال کیا گیا۔

میٹنگ میں گذشتہ دنوں رامپور کے رتن پورہ گاوں میں مسجد کی مذموم حرکت کرنے والے شرپسندوں کو سزا دلوانے کے لیے احتجاجی مارچ اور ضلع مجسٹریٹ کو میمورنڈم پیش کرنے کا منصوبہ بنایا گیا۔

تنظیم اتحاد ملت کے کوآرڈینیٹر نومان غازی کا کہنا ہے کہ 'ابھی تک مسجد کی بے حرمتی کرنے والے شرپسند عناصر کو پولیس گرفتار نہیں کر سکی۔ اسے پولیس کی لاپرواہی کہے یا کچھ اور'۔

یہ میٹنگ تنظیم اتحاد ملت کے صدر، حافظ شاہ جمال کے دفتر پر ہوئی، جس میں تنظیم کے کئی ممبران نے شرکت کی۔