اتراکھنڈ سانحہ: امروہہ کے پانچ افراد لاپتہ

امروہہ ضلع کے سید نگالی کے پانچ مزدور اتراکھنڈ میں آئی تباہی کے بعد سے لاپتہ ہیں۔ تباہی کے بعد سے لاپتہ مزدوروں سے گھر والوں کی سے بات نہیں ہو سکی ہے، جس کی وجہ سے ان مزدوروں کے گھروں میں غم کا ماحول ہے۔

اترپردیش کے ضلع امروہہ کے پولیس اسٹیشن سید نگلی کے گاؤں سوہنت گڑھی کے رہنے والے پانچ مزدور روہت، مہیپال، کویندر، تھان سنگھ اور سنی دت تین مہینے پہلے اتراکھنڈ کے سرائے سوٹا میں ٹاور کھڑا کرنے کا کام کرنے گئے تھے۔

اتراکھنڈ میں ہونے والی تباہی سے قبل ان مزدوروں کے گھر والوں نے ان سے بات کی تھی، لیکن اس تباہی کے بعد سے ان مزدوروں سے رابطہ نہہں ہو رہا ہے، جس کی وجہ سے ان خاندانوں میں غم کا ماحول ہے۔

جب ان لاپتہ مزدوروں کے لواحقین سے بات کی گئی تو ان کی آنکھوںسےآنسو نکل پڑے۔ پانچوں مزدوروں کے گھر والوں نے بتایا کہ ہماری سیلاب آنے سے چند گھنٹے پہلے بات ہوئی تھی، لیکن تباہی کے بعد ان سے کوئی رابطہ نہیں ہو سکا ہے۔

امروہہ کے پانچ افراد لاپتہ

انہوں نے بتایا کہ اس گاؤں کے کئی لوگ تین ماہ قبل کام پر گئے تھے، جن میں سے افراد افراد پہلے ہی واپس آ گئے تھے۔ باقی مزدوروں نے کہا تھا کہ ہم ایک دن بعد آئیں گے، ایک دن کا کام باقی ہے۔ لیکن اس کے بعد ان سے ان سے کوئی بات نہیں ہوئی ہے اور اب ان کی تشویش بڑھتی جارہی ہے۔

امروہہ کے پانچ افراد لاپتہ

جب سے ان مزدوروں سے رابطہ ٹوٹا ہے تب سے گھر والوں کا رو رو کر برا حال ہے۔ مزدوروں کے گھر والوں کے ساتھ ساتھ گاؤں کے بہت سے گھروں میں بھی چولہا نہیں جلا ہے۔ ہر کوئی مزدوروں کی واپسی کا منتظر ہے۔