اجئے کمار کا الزام ہے کہ ریاست میں نظم و نسق منہدم ہو چکا ہے للو نے ضمنی انتخابات میں فتح کا دعوی کیا ہے کہا ہے کہ یہ انتخابات نظام تبدیلی کا اشارہ ہوں گے۔
گزشتہ روز اجئے کمار ضلع بارہ بنکی میں کانگریس امیدوار تنج پنیا کی حمایت میں زیدپور کی انتخابی ریلی میں شرکت کرنے کے لیے پہنچے تھے۔
جہاں انھوں نے کہا کہ ریاست میں نظم و نسق پوری طور سے ختم ہوچکی ہے اور اب یہاں ایسا ماحول ہے جس میں صحافیوں کو بھی سوال اٹھانے نہیں دیا جارہا ہے اور جمعرات کو ہاٹا میں بھی ایک صحافی کا قتل کر دیا گیا ہے۔
انہوں نے کہا کہ بی جے پی حکومت کا چہرہ بے نقاب ہو چکا ہے اور کانگریس پارٹی مضبوطی کے ساتھ ان تمام مسائل سے لڑے گی۔
اترپردیش کانگریس کے نو منتخب صدر اجئے کمار سنگھ للو نے دعوی کہا ہے کہ' ضمنی انتخابات میں کانگریس کی کامیابی اس بات کا اشارہ ہوگی کہ نظام اب تبدیل ہونے والا ہے۔